William James Tatem, Barwn 1af Glanely, 1868-1942

David Jenkins

William James Tatem, Barwn 1af Glanely o Sain Ffagan.

William James Tatem, Barwn 1af Glanely o Sain Ffagan.

Mae'n debyg taw fel perchennog ceffylau rasio nodedig y cofiwn ni am Arglwydd Glanely heddiw, gyda'i geffylau yn ennill pob un o'r pum Clasur Prydeinig. Yn y diwydiant llongau y gwnaeth ei ffortiwn fodd bynnag, ac roedd yn hael yn ei gefnogaeth o achosion da yn ne Cymru, yn enwedig Amgueddfa Cymru a Phrifysgol Caerdydd.

Nid Cymro oedd Tatem o gwbl; cafodd ei eni yn Appledore yng ngogledd Dyfnaint ym 1868, ac wedi marwolaeth ei dad yn ifanc, symudodd ei fam y teulu i Gaerdydd pan oedd Tatem yn ddeunaw. Ymunodd â chwmni llongau Anning Brothers fel clerc gan ddod i ddeall y busnes llongau yn drylwyr. Defnyddiodd y wybodaeth hon i fentro i'r busnes ar ei liwt ei hun ym 1897, ac roedd meistr un o'i longau hefyd yn frodor o Appledore, William Reardon Smith.

Fflyd fawr

Erbyn 1914 roedd Tatem wedi adeiladu fflyd sylweddol o un llong ar bymtheg. Cafodd ei urddo'n fachog ym 1916 ac ym 1918 cafodd ei ddyrchafu'n un o arglwyddi'r deyrnas gan ddwyn y teitl, Barwn Glanely o Sain Ffagan. Roedd yn berchennog llongau craff a werthodd ei fflyd am grocbris ym 1919 pan oedd ffyniant diwedd y Rhyfel Byd Cyntaf ar ei anterth, cyn dychwelyd i'r busnes gyda chwe llong newydd am fargen ychydig flynyddoedd yn ddiweddarach. Diolch i hyn, bu blynyddoedd y dirwasgiad yn llawer haws iddo na'i gyfoedion.

Exning, plasty'r Arglwydd Glanely yn Newmarket

Exning, plasty'r Arglwydd Glanely yn Newmarket

Yr Arglwydd Glanely yn arwain <em>Singapore</em>, wedi ennill ras St Leger 1930; Gordon Richards oedd y joci

Yr Arglwydd Glanely yn arwain Singapore, wedi ennill ras St Leger 1930; Gordon Richards oedd y joci

'Sporting Bill'

Datblygodd ei ddiddordeb mewn rasio ceffylau ymhellach wedi diwedd y Rhyfel Byd Cyntaf. Ym 1919-20 prynodd dŷ gwych Exning yn Newmarket, a stablau cyfagos Lagrange. Daeth ei fuddugoliaeth fawr gyntaf yn Royal Ascot ym 1919 pan enillodd Grand Parade y Derby. Roedd y fuddugoliaeth hon yn ddadleuol ar y pryd, gan taw ef oedd yn berchen y ffefryn yn yr un ras, Dominion. Roedd Dominion ymhell ar ei hol hi pan basiodd Grand Parade y postyn yn gyntaf am bris o 33/1 — gyda arian Glanely i gyd ar hwnnw! Roedd yn ffigwr adnabyddus yn y rasys mawr i gyd a byddai pawb yn ei adnabod fel "sporting Bill".

Dyngarwch ac achosion da

Roedd yn hael ei gefnogaeth ariannol i Amgueddfa Cymru, ac enwyd Oriel Glanely yn Amgueddfa Genedlaethol Caerdydd ar ei ôl. Bu'n llywydd Coleg Prifysgol De Cymru a Sir Fynwy ddwywaith, ym 1920-25 a 1934-42, ac ariannodd y gwaith o adeiladu labordai gwyddonol newydd.

Yn ystod Rhyfel Cartref Sbaen defnyddiodd ddwy o'i longau ei hun i gludo nifer fawr o ffoaduriaid o Wlad y Basg i dde Cymru, a sefydlodd elusen i'w cynorthwyo yn ddiweddarach.

Er iddo lwyddo mewn sawl maes, profodd sawl tristwch yn ei fywyd personol. Bu farw ei unig fab, Shandon yn chwe mlwydd oed ym 1905, a bu farw'r Arglwyddes o'i hanafiadau yn dilyn damwain car ym 1930. Cafodd yntau ei ladd mewn cyrch awyr ar Weston-Super-Mare ar 24 Mehefin 1942.

sylw (6)

Nid yw sylwadau ar gael ar hyn o bryd. Ymddiheuriadau am yr anghyfleustra.
Gary Hewitt
11 Rhagfyr 2021, 12:42
Just picked up 2 brass placks . Which says . The thomas tatem bed endowed by sir wj tatem .dl . Jp. In memory of his dear father 1917
Steve Tatem
29 Mehefin 2021, 23:29
My father Peter Tatem was born in Monmouth and
Glanely funding his apprenticeship at Rolls Royce Derby before the 2nd World war. Our family are descended from his family. Glanely was a really interesting character.
Steve Tatem
29 Mehefin 2021, 23:29
My father Peter Tatem was born in Monmouth and
Glanely funding his apprenticeship at Rolls Royce Derby before the 2nd World war. Our family are descended from his family. Glanely was a really interesting character.
Roy May (NO RELATION)
19 Mehefin 2020, 18:52
Freddie May was Lord Glanely's chauffer and lived in the coach house next to the garages in Cotton End Rd, Exning (Part of Exning House Estate)
Prior to the house becoming Glanely Rest old peoples home in about 1955. Lord Glanelys Rolls Royce was last observed in Ireland for Wedding Hire.
John McInerney
12 Rhagfyr 2018, 11:23
A provision in Lord Glanely's will eventually supported a professorship in agricultural policy at Exeter University. Does anyone know about the nature of his links with Exeter (or the University College of the Southwest as it would have been known in 1942). His impressive portrait hung in the former Agricultural Economics Unit there and will still be in the university's possession..
Josh May
5 Awst 2018, 23:29
I own a painting, and a steam engine toy form lord Glanely. Does the name Freddie May ring a bell?