Digwyddiad:Tu ôl i Ddrysau Caeedig
Oes gennych chi gysylltiad hefo Chwarel Dinorwig?
Hoffech chi fod yn ran o brosiect newydd creadigol?
Dewch draw i'r Amgueddfa Lechi ar 13 Medi i gymryd rhan mewn sesiwn greadigol hefo’r awdur a’r actores Rhian Cadwaladr.
Dyma gyfle i chi gael dod a hanes yn fyw trwy helpu Rhian greu cymeriad newydd yn seiliedig ar beth sydd ganddoch chi i ddweud am hanes y chwarel.
Mi fydd Rhian Cadwaladr yn eich tywys o gwmpas yr ardaoledd domestig yn yr amgueddfa ac yna’n arwain ar y gwaith o greu cymeriad o’r newydd.
Ein nôd yw sicrhau bod lleisiau trigolion y gymuned leol yn ganolog i’r gwaith sy’n cael ei gynhyrchu.
Mae croeso i chi ddod a lluniau / gwrthrychau eich hun os oes gennych chi rhai i’w rhannu.
Mae’r sesiwn AM DDIM, yn agored i bawb a nid oes angen trefnu lle ymlaen llaw.
Os mae unrhyw ymholiad cysylltwch â llechi@amgueddfacymru.ac.uk
Ariennir prosiect ail-ddatblygu Amgueddfa Lechi Cymru gan Lywodraeth y DU trwy Gyngor Gwynedd fel rhan o brosiect Llewyrch o’r Llechi, Cronfa Dreftadaeth y Loteri Genedlaethol, Llywodraeth Cymru a gweithgareddau codi arian eraill.
Gwybodaeth
Rhian Cadwaladr mewn cymeriad fel Hannah
Ymweld
Oriau Agor
18 Mawrth - 3 Tachwedd 2024
Ar agor yn ddyddiol 10am - 5pm
Rhaid i blant dan 16 fod yng nghwmni oedolyn bob amser. Am resymau diogelwch, rydym yn cadw’r hawl i archwilio bagiau yn yr amgueddfa
Bwyta, Yfed, Siopa
- Mae ein siop goffi bellach yn gweini dewis cyfyngedig o ddiodydd poeth ac oer, cacennau a sawrïau blasus.
- Bydd y siop ar agor yn ystod eich ymweliad.
- Mae croeso i chi dod â phicnic i’r Amgueddfa.
Parcio
Mae digonedd o le parcio i geir a bysiau. Codir tâl am barcio.
Cyngor Gwynedd sy'n berchen ar faes parcio Maes Parcio Gwledig Padarn ac yn ei weithredu. Mae'r parcio'n costio £4.50. Mae’n bosib talu a cherdyn (www.paybyphone.co.uk/ neu defnyddiwch yr app ffôn / Lleoliad 804552) Os mai dim ond gydag arian parod y gallwch dalu, byddwch yn ymwybodol na allwn gyflenwi newid ar hyn o bryd.
Lleoliad
Clywed mwy gan Amgueddfa Cymru
Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?
Cofrestrwch i'n cylchlythyr heddiw
Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd