Digwyddiad:Safbwynt(iau) - Bod yn Ddu yng Nghymru

Ymunwch â ni am drafodaeth yn procio’r meddwl ac yn edrych ar wahanol brofiadau o fod yn Ddu yng Nghymru a sut mae hanes trefedigaethol Cymru wedi siapio a dylanwadu gwaith pedwar unigolyn. 

Bydd y drafodaeth gyda Yr Athro Charlotte Williams OBE, Mfikela Jean Samuel a Nasir Adam, dan arweiniad yr artist Jasmine Violet yn trafod sut all celf fod yn gatalydd pwerus ar gyfer deialog a newid, gan gynnig lens unigryw lle gall y siaradwyr rannu eu profiadau o’r byd celf Cymreig.

Ar ôl y drafodaeth, bydd gwahoddiad i bawb gymryd rhan mewn gweithdy creadigol a fydd yn cynnig gofod anffurfiol i fyfyrio a mynd i’r afael yn greadigol â’r themâu a drafodwyd yn ystod y digwyddiad. 

Bydd lluniaeth arbennig yn dilyn y sgwrs a'r gweithdy.  

Bachwch ar y cyfle unigryw yma  i edrych ar hanes, celf a hunaniaeth mewn lleoliad unigryw.
 

Mae llefydd AM DDIM ond rhaid trefnu ymlaen llaw drwy ebostio llechi@amgueddfacymru.ac.uk.

Cynhelir y digwyddiad hwn yn Saesneg. Cysylltwch os hoffech chi gael cyfieithu Cymraeg.

Mae Safbwynt(iau) yn broject ar y cyd rhwng Cyngor Celfyddydau Cymru ac Amgueddfa Cymru gyda’r bwriad o weddnewid sut mae’r sector treftadaeth a chelfyddyd weledol yn adlewyrchu amrywiaeth diwylliannol ac ethnig ein cymdeithas. Cefnogir y project gan Lywodraeth Cymru fel rhan o ymdrech i gyflawni amcanion diwylliant a threftadaeth y Cynllun Gweithredu Cymru Wrth-hiliol.