Digwyddiad:Pasg yn Ysbyty'r Chwarel

Neidiwch draw i Ysbyty’r Chwarel y Pasg hwn a ymunwch â’n llwybr teuluol g-wŷ-ch! Chwiliwch am wyau Pasg sydd wedi’w cuddio o amgylch yr Ysbyty a chwblhewch heriau hwyliog ar hyd y ffordd. Dewch i ddatrys y cliwiau, a darganfod y gair arbennig i hawlio eich gwobr!

Ar gael bob dydd drwy gwyliau’r Pasg.

Oedran – Addas ar gyfer plant 4+ oed, efallai y bydd angen help ar blant iau.

 Mae Llwybrau Pasg ar gael mewn safleoedd eraill o’r Amgueddfa Genedlaethol hefyd, ond gall y gweithgareddau amrywio.

Margaret y Matron

Ymunwch â Margaret – mêtron yn Ysbyty’r Chwarel - yn 1921 i ddarganfod fwy am fywyd yn yr Ysbyty. Mi fydd hi'n dweud wrthych sut beth yw gofalu am chwarelwyr sydd wedi’u hanafu, ac weithiau ambell i dieithrin! Nid yw bywyd yn yr Ysbyty yn hawdd – mae yna reolau llym, staff gweithgar, a rhai triniaethau newydd a allai eich synnu! Camwch i’w esgidiau hi, clywch ambell stori go iawn o’r gorffennol, a darganfyddwch sut beth oedd gweithio, gwella a byw yn Ysbyty’r Chwarel dros 100 mlynedd yn ôl.

Dydd Iau 2 Ebrill a 9 Ebrill yn ystod gwyliau'r Pasg rhwng 12pm a 4pm. 

Lliwio Llechi

Fel rhan o’ch ymweliad, gall teuluoedd hefyd fwynhau ein gweithgaredd arbennig Lliwio Llechi, sy’n cael ei gynnal bob Dydd Iau yn Ysbyty’r Chwarel yn ystod gwyliau’r Pasg. Dewch i fod yn greadigol ac addurnwch llechen eich hun i'w gadw. 

Dydd Iau 2 Ebrill a 9 Ebrill yn ystod gwyliau'r Pasg rhwng 12pm a 4pm. 

Amseroedd agor

Mae Ysbyty’r Chwarel ar agor Dydd Llun i Ddydd Sul, 10am–5pm.