Sgwrs: Teithiau Sain Ddisgrifiad yn Amgueddfa Lleng Rufeinig Cymru
Amgueddfa Lleng Rufeinig Cymru
Dewch i fwynhau taith sain ddisgrifiad yn Amgueddfa Lleng Rufeinig Cymru, a dysgu mwy am fywyd yng Nghaerllion oes y Rhufeiniaid. Mae'r daith am ddim hon ar gyfer ymwelwyr dall neu â nam ar eu golwg. Bydd digon o gyfle i ddal a gwisgo gwrthrychau replica. Mae'r daith i gyd yn yr Amgueddfa, a does dim angen cerdded pellter hir. Mae toiledau hygyrch ar gael yn yr Amgueddfa. Bydd y daith yn para tua 1 awr.