Digwyddiad:Haf o Hwyl: Pwerdy Merched y Pwll
Ymunwch â ni yn Big Pit Amgueddfa Lofaol Cymru ar gyfer ein gweithdy Pwerdy'r Merched Pwll, i ddathlu ffeministiaeth yn y pyllau glo! 11am-3pm ar ddydd Sadwrn 27 Awst, a gall unrhyw un alw draw ar y diwrnod.
Mae croeso i bobl ifanc 10-15 alw draw i ddysgu a rhannu hanes merched y pwll. Byddwn ni’n trafod hanes cudd glowyr benywaidd yn y pyllau glo. Beth oedd eu gwaith? Sut fydden nhw’n gwisgo? Bydd y sesiwn greadigol fyw yn Big Pit yn cynnwys taith o amgylch arddangosfa Merched Tomen, a chyfle i archwilio hanes merched y pwll trwy greu gwisgoedd addurnol eu hunain. Darperir yr holl ddeunyddiau a chyfarwyddiadau.
Dyfeisiwyd gweithdy Pwerdy'r Merched Pwll gan yr artist Abigail Fraser ar gyfer rhaglen allestyn 9to90 Artistiaid GS, Abertawe, mewn cydweithrediad ag Amgueddfa Cymru a Haf o Hwyl Llywodraeth Cymru.
Gwybodaeth
Clywed mwy gan Amgueddfa Cymru
Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?
Cofrestrwch i'n cylchlythyr heddiw
Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd