Casgliadau Arlein
Amgueddfa Cymru
Chwilio Uwch
Y Ferch o Baris
Ym 1874 cynhwyswyd y darlun hwn yn yr Arddangosfa Argraffiadol gyntaf. Madame Henriette Henriot, a fu'n actio yn yr Odéon yn 1863-68, yw'r gwrthrych. Byddai Renoir yn aml yn ei defnyddio fel model. Drwy roi i'r darlun y teitl 'Y Ferch o Baris', mae'n awgrymu ei bod yn cynrychioli math o berson yn hytrach na pherson penodol. Meddai un o adolygwyr arddangosfa 1874: 'Prin y gellir gweld blaen ei hesgid uchel, sy'n ymwthio allan fel llygoden fach ddu. Mae ei het yn gwyro dros un glust ac mae'n fentrus o bowld...Ffug yw'r wân, ac mae'r wyneb yn gymysgedd o hen a phlentynnaidd. Ond mae yna rywbeth yn naîf ynddi. Cawn yr argraff fod y ferch yma'n ymdrechu'n galed i edrych yn barchus. Mae'r wisg, sydd wedi ei pheintio'n fendigedig, mewn glas o liw nefolaidd.' Arferai'r gwaith fod yng nghasgliad enwog Henri Rouart, a phrynwyd ef gan Gwendoline Davies ym 1913.
Pwnc
Rhif yr Eitem
Creu/Cynhyrchu
Derbyniad
Mesuriadau
Techneg
Deunydd
Lleoliad
Caiff Casgliadau Arlein ei ddiweddaru yn rheolaidd, ond gwnewch yn si’r bod eitem yn dal i gael ei arddangos cyn ymweld yn arbennig.