Casgliadau Arlein

Mae’r paentiad hwn o 1892 yn dangos golygfa o’r Rue des Fosses ym Moret-sur-Loing – tref ganoloesol heddychlon tua 50 milltir i’r de-ddwyrain o Baris. Ymwelodd Sisley â’r ardal am y tro cyntaf ym 1879, a chwympo mewn cariad â’r lle. Ym 1892, ysgrifennodd ‘yn ddi-os, ym Moret mae fy nghelf wedi datblygu fwyaf... Wna i byth wir adael y lle bach hwn sydd mor ddarluniadwy.’ Dyna oedd prif ysbrydoliaeth ei baentiadau yn ystod blynyddoedd olaf ei fywyd.

Yn yr olygfa hon o’r stryd, mae Sisley yn chwarae gyda’n synnwyr o bersbectif; o’i olygfan isel, sef gofod caeedig iard ysgol, mae’n edrych drwy’r gatiau agored at y strydoedd y tu hwnt. Mae’r lliwiau’n ail-greu cysgodion hir a golau lliw rhosyn bore braf o hydref. Roedd Sisley’n hoff o gyfleu ymdeimlad o weithgarwch yn ei waith, ac yma mae menyw gyda phlentyn yn dynesu i ddechrau’r diwrnod ysgol, ond caiff eu presenoldeb ei gysgodi’n rhannol gan yr adeiladau a’r coed tal sy’n flaenllaw yn yr olygfa.

Work was part of the AFA tour (2009-2010): From Turner to Cézanne: Masterpieces from the Davies Collection, National Museum Wales