Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Amgueddfa Cymru
Cafodd Allori ei eni a'i hyfforddi yn Florence. Comisiynwyd y darn allor hwn gan y Cardinal Ferdinando de' Medici fel rhodd i gartref newydd Felice Peretti, y Cardinal Montalto, a wnaed yn Bab Sixtus V ym 1585. Gellir cyfiethu'r arysgrif Ladin o dan wely'r Forwyn fel hyn: 'Peintiwyd gan Alessandro Allori, dinesydd o Florence, disgybl i Agnolo Bronzino 1583'. Mae Crist y Plentyn yn codi ei fraich i fendithio, a gerllaw mae dau angel yn dal mêl ac ymenyn, sef cyfeiriad at broffwydoliaeth Esesia. Wrth ei draed yn penlinio mae Sant Ffransis a'r Santes Lucy. Yr oedd i'r ddau arwyddocâd ysbrydol i'r Cardinal Montalto, a oedd yn aelod o'r Urdd Ffransisgaidd a aned ar ddydd gŵyl y Santes Lucy ar 13 Rhagfyr. Mae hi'n dal bowlen sy'n cynnwys ei harian gwaddol a roes i'r tlodion. Hefyd gwelir iau'r yrch a oedd i'w chludo i'w marwolaeth. Wrth ei thraed mae'r cleddyf a ddefnyddiwyd i'w lladd.
Caiff Casgliadau Arlein ei ddiweddaru yn rheolaidd, ond gwnewch yn si’r bod eitem yn dal i gael ei arddangos cyn ymweld yn arbennig.
