Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Amgueddfa Cymru
Duw Bodhisattva neu Fwdistaidd yw Guanyin. Mae'r Bodhisattva wedi gweld y goleuni ond wedi penderfynu aros ymhlith dynion i'w helpu i gyrraedd nirvana. Erbyn y ddegfed ganrif OC mae'n debyg mai Guanyin, a gynrychiolai gydymdeimlad, oedd y ffigur mwyaf poblogaidd ym Mwdistiaeth Tseina. Câi'r duwdod ei ystyried yn gynyddol fel rhywun â phwer hud, a'i gysylltu â chwedlau Taoaidd a duwiesau gwarchodol crefydd boblogaidd. Erbyn y cyfnod Ming câi ei bortreadu'n aml fel duwies, fel a wneir yma.
Mae'n debyg i'r ffigwr hwn gael ei lunio yn nhalaith Shanxi yn Ngogledd Tseina lle'r oedd celfyddyd Fwdistaidd wedi datblygu nodweddion Tseineaidd penodol erbyn y ddeuddegfed ganrif. Mae wedi ei drwsio a'i ail-beintio droeon, ond yn wreiddiol bwriedid iddo edrych fel efydd wedi ei euro. Roedd yn un o nifer o gerfluniau pren Tseineaidd a oedd ar y farchnad yn Llundain yn y 1930au, a phrynwyd hwn gan frawd Gwendoline a Margaret Davies.
Caiff Casgliadau Arlein ei ddiweddaru yn rheolaidd, ond gwnewch yn si’r bod eitem yn dal i gael ei arddangos cyn ymweld yn arbennig.
