Casgliadau Arlein

Llyfyr Ateb Amgueddfa Werin Cymru, 1959, oddi wrth y Parch. D. Jacob Davies, Alltyblaca, Llanybydder (1916-1974) yn cynnwys geiriau llafar Dyffryn Cerdin, Maesymeillion, Llandysul. Casglwyd y geiriau yma yn y cyfnod 1939-1944 ac fe glywodd y Parchedig Davies pob un ohonynt yn cael eu defnyddio. Anfonwyd Llyfrau Ateb gan Amgueddfa Werin Cymru ym 1958 at unigolion ar draws Cymru er mwyn casglu a chofnodi gwybodaeth am agweddau o ddiwylliant gwerin yn eu hardaloedd yn cynnwys amaeth, crefftau, bwyd, arferion a thafodiaith. Mae’r ymatebion wedi eu hysgrifennu â llaw yn y llyfrau. Roedd y Llyfrau Ateb yn ddilyniant i’r holiaduron a anfonwyd ym 1937.