Casgliadau Arlein

Amgueddfa Cymru

Chwilio Uwch

Testun rhydd

Rhif yr Eitem

Adnabyddiaeth

Pwnc

Artistiaid/Creadur

Lle

Categori

Cofnodion â delweddau yn unig

Nôl i Ganlyniadau

Castell Dolbadarn

WILSON, Richard (1714-1782 Richard Wilson, originally from Montgomeryshire, is often called ‘the Father of British landscapes’ for the key role he played in the development of the tradition, though he initially trained as a portrait painter. He became the first major artist to popularize images of Wales that went beyond topographical accuracy. Caiff Richard Wilson, sy’n wreiddiol o Sir Drefaldwyn, ei alw’n aml yn ‘Dad tirluniau Prydain’ am y rôl allweddol a chwaraeodd yn natblygiad y traddodiad, er iddo hyfforddi fel peintiwr portreadau i gychwyn. Ef oedd yr artist mawr cyntaf i boblogeiddio delweddau o Gymru oedd yn mynd y tu hwnt i gywirdeb topograffaidd.)

Gorthwr crwn Castell Dolbadarn yw canolbwynt y paentiad hwn gan Richard Wilson, artist hanesyddol mwyaf dylanwadol Cymru. Adeiladwyd Dolbadarn mwy na thebyg yn y 13eg ganrif gan Llywelyn Fawr, yn gaer bwysig yng Ngwynedd uwchlaw Llyn Padarn. Erbyn 1282 roedd hi ym meddiant byddin Lloegr, a’i phren yn cael ei ddefnyddio i adeiladu Castell Caernarfon gerllaw. Bu Dolbadarn yn bwysig yn ddiweddarach yn y frwydr am annibyniaeth yn ystod gwrthryfel Owain Glyndŵr, a saif heddiw yn gofnod o lwyddiannau a methiannau tywysogion Cymru. Teithiodd Richard Wilson i’r Eidal yn y 1750au a bu’n brofiad a weddnewidiodd ei waith. Gyda’r Wyddfa yn y cefndir mae’n amlwg taw tirlun Cymreig yw hwn, ond mae Wilson wedi cyflwyno nodweddion Italianate fel y ffermdy yng ngysgod y muriau. Mae wedi addasu elfennau o’r tirwedd gan greu cyfosodiad clasurol yn null Hen Feistri’r Eidal, gan roi urddas a grym i’r olygfa fu’n gymorth i ddyrchafu statws tirlun Cymru mewn cylchoedd diwylliedig. Paentiodd Wilson gastell Dolbadarn sawl gwaith, ac mae’n debyg fod y cyfosodiad hwn yn dyddio o 1764/5. Mae sgan pelydr-X wedi datgelu bod y castell wedi’i baentio dros bortread o fenyw.