Casgliadau Arlein

Llyfr Ateb Amgueddfa Werin Cymru, 1959, yn cynnwys nodiadau gan Sarah Holland Miles, a aned yn Llanharan yn 1872. Mae'r nodiadau yn rhoi gwybodaeth ar hen ddywediadau, meddyginiaethau a ddiarhebion o ardal Llanharan a gasglwyd ganddi ar hyd ei oes. Anfonwyd Llyfrau Ateb gan Amgueddfa Werin Cymru ym 1958 at unigolion ar draws Cymru er mwyn casglu a chofnodi gwybodaeth am agweddau o ddiwylliant gwerin yn eu hardaloedd yn cynnwys amaeth, crefftau, bwyd, arferion a thafodiaith. Mae’r ymatebion wedi eu hysgrifennu â llaw yn y llyfrau. Roedd y Llyfrau Ateb yn ddilyniant i’r holiaduron a anfonwyd ym 1937.