Casgliadau Arlein

Telegram a yrrwyd i David Ladd o Winnipeg gan y Cunard Steam Ship Company Limited ynghylch tynged ei frawd, Owen Ladd, yn dilyn suddo’r RMS Lusitania.

Bu farw Owen Ladd pan gafodd yr RMS Lusitania ei tharo gan dorpido Almaenig ar 7 Mai 1915. Ganwyd ef ym 1882, yn fab i William a Phoebe Ladd, The Mount, Eglwyswrw, gogledd Sir Benfro. Ym 1911 gadawodd Gymru i ymuno â’i frawd, David, oedd yn fasnachwr coed yn Winnipeg, Canada. Ym mis Mai 1915 roedd yn dychwelyd i Gymru er mwyn ymweld â’i deulu. Roedd hefyd yn ystyried ymuno â’r fyddin.