Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Amgueddfa Cymru
Mae’r paentiad hwn o’r Forwyn a’r Plentyn, cymynrodd Gwendoline Davies i Amgueddfa Cymru ym 1952, wedi bod yn ddirgelwch erioed. Oedd y gwaith gan Botticelli ei hun, un o’i ddilynwyr neu artistiaid yn ei weithdy? Does neb yn berffaith siŵr, ond mae tystiolaeth newydd yn awgrymu bod y gwaith yn dod o stiwdio Botticelli, a taw’r meistr ei hun sy’n gyfrifol am rannau ohono. Botticelli oedd un o brif beintwyr Fflorens ar ddiwedd y bymthegfed ganrif a châi ei noddi gan y teulu Medici a'r Pab. Mae'r llun hwn wedi ei seilio ar y ffigyrau canolog yn y darn allor San Barnaba a beintiodd tua 1485 ac sydd yn Oriel Uffizi yn Fflorens. Mae'r pomgranad yn llaw'r plentyn Iesu yn arwydd Cristnogol o'r Atgyfodiad. Gwelwyd y gwaith mewn pennod o Britain’s Lost Masterpieces y BBC ar 13 Tachwedd 2019.
Caiff Casgliadau Arlein ei ddiweddaru yn rheolaidd, ond gwnewch yn si’r bod eitem yn dal i gael ei arddangos cyn ymweld yn arbennig.
