Casgliadau Arlein

Llyfr Ateb Amguedfa Werin Cymru, 1958, oddi wrth David Jones, Dyffryn Ardudwy, yn cynnwys nodiadau manwl ar rai o dermau amaethyddol a ddefnyddir neu a ddefnyddid yn Ardudwy gan mwyaf. Rhoddir yn gyfochrog weithiau rai amrywiadau a geir yn Eifionnydd. Ysgrifennwyd y nodiadau uchod ar ei ran David Jones gan H.J. Hughes, Harlech. Anfonwyd Llyfrau Ateb gan Amgueddfa Werin Cymru ym 1958 at unigolion ar draws Cymru er mwyn casglu a chofnodi gwybodaeth am agweddau o ddiwylliant gwerin yn eu hardaloedd yn cynnwys amaeth, crefftau, bwyd, arferion a thafodiaith. Mae’r ymatebion wedi eu hysgrifennu â llaw yn y llyfrau. Roedd y Llyfrau Ateb yn ddilyniant i’r holiaduron a anfonwyd ym 1937.