Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Amgueddfa Cymru
Daw’r tŷ bychan hwn o ddiwedd yr oesoedd canol o Hwlffordd, Sir Benfro. Mae ei leoliad gwreiddiol ger yr hen gei ar Afon Cleddau yn awgrymu efallai mai cartref masnachwr ydoedd. Mae’r bensaernïaeth gadarn, gyda’r seler fwaog, yn debyg i dechnegau adeiladu cestyll fyddai’n cael eu defnyddio’n aml yn nhai preifat Sir Benfro yn y cyfnod.
Mae’n debyg mai prynu a gwerthu nwyddau a ddeuai drwy harbwr prysur Hwlffordd fyddai’r perchennog. Byddai’r teulu’n byw i fyny’r grisiau lle'r oedd ystafell sengl gyda lle tân agored ar un pen. Roedd tŷ bach ger y tân oedd yn gwacau i gwter y tu allan i’r adeilad. Storfa fyddai’r seler fwaog lle câi nwyddau fel rhaff, pysgod, caws a chasgenni gwin eu cadw cyn eu gwerthu.
Caiff Casgliadau Arlein ei ddiweddaru yn rheolaidd, ond gwnewch yn si’r bod eitem yn dal i gael ei arddangos cyn ymweld yn arbennig.
