Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Amgueddfa Cymru
Gan weithio o ffenestr siop gwneuthurwr hetiau ac edrych allan ar du blaen Eglwys Gadeiriol Rouen, dechreuodd Monet beintio cyfres o fwy na deg ar hugain a olygfeydd o'r eglwys ym mis Chwefror 1892. Dychwelodd ym mis Chwefror 1893 gan gwblhau'r gwaith yn Giverny ym 1893-94. Mae'r darlun hwn o'r eglwys gadeiriol yng ngolau'r machlud yn un o ugain o ddarluniau 'Cathédrales' a arddangoswyd yn llwyddiannus iawn ym Mharis ym 1895. Fel cofnod o'r ffordd y mae golau'n trawsnewid golwg gwrthrych, mae'r gyfres yn dod yn agos at derfynau Agraffiadaeth 'wyddonol'. Roedd y 1890au yn ddegawd o adfywiad cenedlaethol yn Ffrainc, ac mae dewis Monet o gofeb Ffrengig fawr o'r Oesoedd Canol yn y ddinas lle cafodd Jean d'Arc ei merthyru yn awgrymu diben bwriadol wladgarol. Mae ffrém anarferol y darlun hwn, gyda'i bileri hanesiol a'r arysgrif 'Cl. Monet' mewn llythrennau gothig, yn awgrymu bod perchennog blaenorol wedi edrych arno fel symbol o gendlaetholdeb yn ogystal â chofnod gwrthrychol o effeithiau golau. Prynodd Gwendoline Davies y gwaith ym Mharis yn mis Rhagfyr 1917.
Caiff Casgliadau Arlein ei ddiweddaru yn rheolaidd, ond gwnewch yn si’r bod eitem yn dal i gael ei arddangos cyn ymweld yn arbennig.
