Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Amgueddfa Cymru
Gwelwn ddireidi pedwar bachgen ifanc yn y ffotograff hwn gan Philip Jones Griffiths. Yn rhan o Bortffolio Cymru gan Griffiths, mae’n dangos cymeriad, plwc a phowldrwydd plant Cymoedd y Rhondda. Ym 1997, pan arddangoswyd y ffotograff yn Amgueddfa Genedlaethol Caerdydd, gwnaed galwad gan bapurau newydd y Western Mail a’r South Wales Echo i ddod o hyd i’r pedwar ffrind ifanc. Cafodd y brodyr Ieuan a John Rees, ynghyd â’u ffrindiau Alan Jones a William George (chwith i dde) eu hadnabod gan chwaer y brodyr, Irene, ond nid yw’r un ohonyn nhw’n cofio’r ffotograff yn cael ei dynnu! Mewn cyfweliad gyda’r Western Mail, dywedodd Alan Jones “Dwi ddim yn gallu ei gofio o gwbl ond roedden ni’n eithaf drygionus yn y dyddiau hynny ac mae’r ffotograff hwn yn crynhoi hwnnw i’r dim. Pan edrychwch chi arnon ni’n agos dwi ddim yn meddwl ein bod ni wedi newid llawer o gwbl.”.
