Casgliadau Arlein

Cynhyrchwyd y llestr hwn gan ddefnyddio castiau o wrthrychau a ddarganfuwyd. Ffigyrau o gêm fwrdd pêl-droed sy’n ffurfio’r fowlen, sy’n sefyll ar gefnau tri dyn Indiaidd sydd wedi’u castio o ffigwr plastig a oedd unwaith yn dal bocsiaid o de mewn ffenestr siop. Mae printiau trosglwyddo yn dangos model du yn gwisgo dillad Moschino. Mae hwn yn sylw am bêl-droed elitaidd a ffasiwn moethus fel ffurf o neo-wladychiaeth, sy’n cael ei gynnal gan galedi'r De Byd-eang. Mae gan Carol McNicoll ymrwymiad gydol oes i ethos ailgylchu ac ailddyfeisio, ac meddai: “Rydw i’n defnyddio gwrthrychau ail-law oherwydd nad ydw i am fod yn rhan o’r prosiect cyfalafol byd-eang. Mae cymaint o bethau gwych ar gael yn barod.”