Casgliadau Arlein
Amgueddfa Cymru
Chwilio Uwch
Tirlun gyda Sant Philip yn bedyddio'r Eunuch
Yn y darlun hwn gwelir tirlun gyda'r hwyr a'r apostol Philip yn bedyddio'r eunuch o Ethiopia. Wrth ddychwelyd yn ei gerbyd o Jerwsalem i Ethiopia cyfarfu eunuch llys â'r apostol Philip, a'i darbwyllodd fod proffwydoliaethau Eseia yn yr Hen Destament wedi eu gwireddu ym mywyd a marwolaeth Crist (actiau'r apostolion VII, 26-38).
Cafodd y llun hwn a'i gymar Crist yn ymddangos i 'Mair Magdalen ar Fore'r Pasg' (yn Frankfurt) eu peintio i'r Cardinal Fabrizio Spada ym 1678. Roedd swyddogaeth genhadol Sant Philip yn cyd fynd ag ymdrechion y Cardinal i wrthsefyll Protestaniaeth. Gwelir gwahanol adegau o'r dydd yn y ddau lun: yma mae'n dechrau nosi, ac yn y llall mae'n fore.
Er bod stori yn destun i'r peintiad, y tirlun sy'n cael y lle blaenaf. Ymgartrefodd Claude yn Rhufain lle perffeithiodd ddelfrydiaeth - arddull o beintio tirluniau lle gosodir natur mewn trefn ofalus. Roedd darluniau Claude yn arbennig o boblogaidd ym Mhrydain y ddeunawfed ganrif. Roedd Cymro, Richard Wilson, yn ei edmygu'n fawr.
Pwnc
Rhif yr Eitem
Creu/Cynhyrchu
Derbyniad
Mesuriadau
Techneg
Deunydd
Lleoliad
Caiff Casgliadau Arlein ei ddiweddaru yn rheolaidd, ond gwnewch yn si’r bod eitem yn dal i gael ei arddangos cyn ymweld yn arbennig.