Casgliadau Arlein

Mae'r adeiladwaith haniaethol lliwgar hwn, a wnaed i ymdebygu i flociau chwarae plant, yn gynrychiolaeth o'r temlau Mesopotamiaidd hynafol o'r enw Ziggurat. Byddai’r Ziggurats yn cael eu creu fel preswylfa i'r duwiau a dim ond offeiriaid oedd yn cael mynd i mewn iddyn nhw. Roedd y ffurfiad grisiog yn darparu mynediad o'r byd hwn i'r byd ysbrydol. Mae defnydd Joe Tilson o ddotiau yn rhoi ymdeimlad o wead, ond maen nhw hefyd yn cyfeirio at dechneg celf Bop sy’n deillio o’r rhai a ddefnyddir mewn argraffiadau lliw. Mae'r llythrennau bras yn ychwanegu ymddangosiad tri dimensiwn i elfennau dau ddimensiwn y paentiad.