Ymweliad ag Amgueddfa Wlân Cymru | Cwrdd â'r crefftwyr

Gweithdy Amgueddfa

Ymweliad ag Amgueddfa Wlân Cymru | Cwrdd â'r crefftwyr

🔍 Darganfod ac archwilio

Mae Amgueddfa Wlân Cymru yn cynnig profiad synhwyraidd unigryw sy'n arddangos diwydiant a oedd yn dominyddu Cymru yn y gorffennol. Gall grwpiau gwneud y profiad hyd yn oed yn fwy unigryw trwy archebu sesiwn grefft dan arweiniad hwylusydd. Gallwn ddarparu amrywiaeth o weithdai crefft, gan gynnwys gwehyddu a ffeltio gwlyb. Gall eich disgyblion fod yn greadigol a darganfod drostynt eu hunain fyd diddorol cynhyrchu a dylunio tecstilau.

✏️ Cymryd rhan

Bydd dysgwyr yn cael cyfle i gwrdd â chrefftwyr talentog a fydd yn arddangos y broses o wneud gwlân o gnu i ffabrig. Gall eich disgyblion fod yn greadigol a darganfod drostynt eu hunain fyd diddorol cynhyrchu a dylunio tecstilau.

ℹ️ Ynglŷn â'r sesiwn hon

Mae staff yr amgueddfa yn hyblyg a byddant yn gwneud eu gorau i ddarparu ar gyfer gwahanol oedrannau ac anghenion dysgwyr. Gall hyd y sesiynau amrywio. Mae'r elfen grefft fel arfer yn para 1 awr. Mae ymweliadau ysgol ar gael o ddydd Mawrth i ddydd Gwener, yn ystod oriau agor. (Ar gau ar ddydd Llun)

Hyd: 2 awr

Tâl: Dan arweiniad staff yr Amgueddfa – am ddim.

Cwricwlwm

Y Celfyddydau Mynegiannol

Mae archwilio’r celfyddydau mynegiannol yn hanfodol er mwyn dyfnhau sgiliau a gwybodaeth gelfyddydol, ac mae’n galluogi dysgwyr i ddod yn unigolion chwilfrydig a chreadigol.
Mae ymateb a myfyrio, fel artist ac fel cynulleidfa, yn rhan hanfodol o ddysgu yn y celfyddydau mynegiannol.

Dyniaethau

Mae ymholi, archwilio ac ymchwilio yn ysbrydoli chwilfrydedd am gymuned leol dysgwyr, Cymru a'r byd, ei gorffennol, ei phresennol a'i dyfodol.

Amcanion dysgu:

Ennill dealltwriaeth ddyfnach o'r cysyniadau sy'n sail i'r dyniaethau, a'u cymhwyso mewn cyd-destunau lleol, cenedlaethol a byd-eang.
Cynefin: Annog cyfleoedd i ddysgwyr ddarganfod y diwydiant gwlân a chael eu hysbrydoli i ymchwilio i fwy am eu cymuned eu hunain a thu hwnt.
Annog ymchwiliad a darganfod.
Cyfle i fod yn chwilfrydig, cwestiynu, meddwl yn feirniadol a myfyrio ar dystiolaeth.
Ysgogi meddwl newydd a chreadigol.