🔍 Darganfod ac archwilio

Ymunwch â ni yn Amgueddfa Genedlaethol Caerdydd i ddarganfod Byd Rhyfeddol y Deinosoriaid. Yn y gweithdy ymarferol hwn, bydd disgyblion yn archwilio'r deinosoriaid a grwydrodd Cymru filiynau o flynyddoedd yn ôl a sut y cawsant eu darganfod. Byddant yn datblygu rhai o'r sgiliau sydd eu hangen i fod yn balaeontolegydd ac yn eu rhoi ar waith drwy ailadeiladu ecosystem gynhanesyddol gan ddefnyddio tystiolaeth wyddonol. 

✏️ Cymryd rhan

Bydd disgyblion yn cael cyfle i drin ac archwilio tystiolaeth ffosiledig go iawn o filiynau o flynyddoedd yn ôl. Byddant yn defnyddio'r dystiolaeth hon i ailadeiladu ecosystem gynhanesyddol yn greadigol.

ℹ️ Ynglŷn â'r sesiwn hon

Byddwn yn trafod difodiant creaduriaid ac ecosystemau.  Rhowch wybod i ni pan fyddwch chi'n archebu os oes gennych unrhyw ddisgyblion a fyddai'n sensitif i'r profiadau hyn, a byddwn yn gwneud ein gorau glas i wneud i bawb deimlo'n gyfforddus!