Cwrdd â Johnny Lewis, cyn-berchennog Ffatri Cambrian a Gweithdy Crefft

Gweithdy Amgueddfa

🔍 Darganfod ac archwilio

Camwch yn ôl mewn amser a chwrdd â Johnny Lewis, cyn-berchennog Ffatri Cambrian. Drwy daith gymeriad rhyngweithiol, bydd disgyblion yn darganfod hanes y diwydiant gwlân lleol, yn clywed straeon am fywyd yn y felin ac yn gwylio’r peiriannau hanesyddol ar waith wrth i grefftwyr medrus eu rhedeg.

✏️ Cymryd rhan

Byddant yn dysgu am effaith y diwydiant gwlân ar y gymuned leol. Bydd disgyblion hefyd yn cymryd rhan mewn gweithdy ffeltio gwlyb ymarferol, gan ddefnyddio gwlân i greu eu darn o ffelt unigryw eu hunain.

ℹ️ Ynglŷn â'r sesiwn hon

Gadewch i hanes gwlân Dyffryn Teifi nyddu ei swyn yn y sesiwn unigryw hon.

Mae staff yr amgueddfa yn hyblyg a byddant yn gwneud eu gorau i ddarparu ar gyfer gwahanol oedrannau ac anghenion dysgwyr. Gall hyd y sesiynau amrywio. Mae'r elfen grefft fel arfer yn para 1 awr.

Mae ymweliadau ysgol ar gael o ddydd Mawrth i ddydd Gwener, yn ystod oriau agor. (Ar gau ar ddydd Llun).

Manylion:

Uchafswm o 50 disgyblion

Cam 2-3 (Oed 5-11)

Hyd: 2 awr

Tâl: Dan arweiniad staff yr Amgueddfa – am ddim.

Cwricwlwm

Y Celfyddydau Mynegiannol

Mae archwilio’r celfyddydau mynegiannol yn hanfodol er mwyn dyfnhau sgiliau a gwybodaeth gelfyddydol, ac mae’n galluogi dysgwyr i ddod yn unigolion chwilfrydig a chreadigol.
Mae ymateb a myfyrio, fel artist ac fel cynulleidfa, yn rhan hanfodol o ddysgu yn y celfyddydau mynegiannol.

Dyniaethau

Mae ymholi, archwilio ac ymchwilio yn ysbrydoli chwilfrydedd am gymuned leol dysgwyr, Cymru a'r byd, ei gorffennol, ei phresennol a'i dyfodol.

Amcanion dysgu:

Ennill dealltwriaeth ddyfnach o'r cysyniadau sy'n sail i'r dyniaethau, a'u cymhwyso mewn cyd-destunau lleol, cenedlaethol a byd-eang.
Cynefin: Annog cyfleoedd i ddysgwyr ddarganfod y diwydiant gwlân a chael eu hysbrydoli i ymchwilio i fwy am eu cymuned eu hunain a thu hwnt.
Annog ymchwiliad a darganfod.
Cyfle i fod yn chwilfrydig, cwestiynu, meddwl yn feirniadol a myfyrio ar dystiolaeth.
Ysgogi meddwl newydd a chreadigol.