Bregus - Arddangosfa Fwyaf Cymru o Gerameg Gyfoes
Bregus oedd arddangosfa fwyaf Cymru erioed o gerameg gyfoes. Cynhaliwyd yr arddangosfa rhwng 18 Ebrill - 4 Hydref 2015.
Roedd yr arddangosfa hon yn dod â gweithiau allweddol o gasgliad Amgueddfa Cymru ynghŷd, gan gynnwys gweithiau cerameg gan Richard Deacon a Felicity Aylieff, yn ogystal â darnau o’r casgliadau archaeoleg, diwydiant a botaneg.
Hefyd i’w gweld roedd gweithiau gan bedwar artist o Gymru – Claire Curneen, Walter Keeler, Lowri Davies ac Adam Buick – ynghyd â ffilmiau wedi’u comisiynu’n arbennig yn taro golwg ar broses greadigol yr artistiaid.
Ochr yn ochr â’r rhain roedd tri gwaith arloesol gan Phoebe Cummings, Keith Harrison a Clare Twomey, oedd yn eich gwahodd i gerdded ar draws môr o deils tsieni – a’u malu.
Nid yw sylwadau ar gael ar hyn o bryd. Ymddiheuriadau am yr anghyfleustra.