Ffotograffiaeth Hanesyddol
Paladr croes ag arysgrif arno, Llanarthne, Sir Gaerfyrddin
Mae'r llun hwn yn dangos dau ddarn o groes o ddiwedd yr 11eg ganrif - dechrau'r 12fed ganrif. Fe'i crybwyllwyd gyntaf ym 1833 fel rhan o gamfa ger mynedfa mynwent Eglwys Dewi Sant yn Llanarthne. Erbyn 1875, roedd y darnau yn gorwedd yn erbyn tŵr yr Eglwys, pan dynnwyd y llun hwn. Cawsant eu symud i'w lleoliad presennol yn y tŵr gorllewinol ym 1913. Nash-Williams ECMW (1950) rhif 147 / Edwards (2007) CM12
