Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Ystyrir Arthur Brook, a aned ger Llanfair-ym-muallt, yn un o ffotograffwyr hanes natur gorau hanner cyntaf yr 20fed ganrif. Bwriodd ei brentisiaeth yn y diwydiant gwneud oriorau a dechreuodd dynnu lluniau adar ym 1909, diddordeb brwd a barhaodd am weddill ei oes. Roedd yn tynnu lluniau yn ystod y dydd a'r nos, gan ddefnyddio cyfarpar pwrpasol a chaiff ei gydnabod yn un o arloeswyr datblygu dyfeisiau fflacholau ar gyfer ffotograffiaeth bywyd gwyllt yn ystod y nos.
Cyhoeddwyd ei waith yn eang, yn y cylchgronau British Birds, Country Life a The Field ynghyd â chyhoeddiadau'r Weinyddiaeth Amaethyddiaeth a Physgodfeydd. Yn ogystal, cyhoeddodd Secrets of Bird Life gyda H. A. Gilbert ym 1926.
