Ailddatblygu Amgueddfa Lechi Cymru

Mae Amgueddfa Lechi Cymru ar gau ar hyn o bryd ar gyfer prosiect ailddatblygu sylweddol.

Bydd y project ailddatblygu yn rhoi bywyd newydd i’n Hamgueddfa boblogaidd a bydd yn gwarchod ein hadeiladau hanesyddol a chasgliadau pwysig fel bod cenedlaethau’r dyfodol yn gallu profi a mwynhau hanes anhygoel llechi.

Darganfyddwch mwy am ein cynlluniau

Mae llawer i’w wneud, felly mae’r Amgueddfa ar gau ers mis Tachwedd 2024 er mwyn dechrau’r broses o baratoi ar gyfer ailddatblygu.

Ein cam cyntaf ar ôl cau oedd i symud ein holl gasgliadau oddi ar y safle i storfa ddiogel. Roedd hyn yn angenrheidiol er mwyn gwneud yr holl waith cadwraeth ac adnewyddu fydd angen ar y safle yn ddiogel, ac er mwyn diweddaru'r arddangosfeydd a'r arddangosiadau cyn gynted â phosibl fel y gallwn ailagor i'r cyhoedd.

Ein cam nesaf yw parhau â’n stori y tu hwnt i furiau’r amgueddfa – a mynd a’r Amgueddfa ar y Lôn! Rydym am wneud y mwyaf o’r cyfle unigryw hwn a mynd â’n pobl, ein casgliadau a’n straeon i leoliadau ein partneriaid sydd wrth galon y cymunedau llechi!

Dewch i’n gweld yn y safleoedd yma:

• Ysbyty Chwarel, Parc Padarn, Llanberis, LL55 4TY
• Castell Penrhyn, Llandygai, Bangor, LL57 4HT
• Crefft Migldi Magldi, Cei Llechi, Caernarfon, LL55 2PB

I gael rhagor o fanylion am yr hyn y byddwn yn ei wneud yn y lleoliadau hyn ac amseroedd ymweld, cliciwch yma

Rydym yn ddiolchgar iawn i’n holl bartneriaid am ein croesawu yn y lleoliadau arbennig hyn.

Bydd ein tîm hefyd yn ymddangos mewn digwyddiadau ac mewn cymunedau amrywiol ar draws gogledd-orllewin Cymru yn ystod 2025 a 2026. Cliciwch yma (bocs digwyddiadau) am fwy o fanylion.

Hoffech chi gymeryd rhan yn ein project ni? Bydd sawl ffordd o gymryd rhan yn ystod y cyfnod datblygu cyffrous hwn a phan fyddwn yn ailagor! Cymerwch olwg ar ein cyfleoedd Gwirfoddoli a digwyddiadau a gweithgareddau i weld sut gallwch chi ddod yn rhan o'r stori anhygoel hon!

Os oes gennych unrhyw ymholiadau neu gwestiynau am y prosiect cysylltwch â ni ar slate@amgueddfacymru.ac.uk

Rydym yn edrych ymlaen yn fawr at eich gweld dros y misoedd nesaf ac at eich croesawu yn ôl i Amgueddfa Lechi Cymru pan fyddwn yn ailagor!

Ariennir prosiect ailddatblygu Amgueddfa Lechi Cymru gyda nawdd Cronfa Treftadaeth y Loteri Genedlaethol, Llywodraeth Cymru, a Llywodraeth y DU trwy Gyngor Gwynedd fel rhan o brosiect Llewyrch o’r Llechi, Llywodraeth Cymru a chyllidwyr eraill.