Cymerwch Rhan gyda’r Ailddatblygu
Mae Amgueddfa Lechi Cymru ar gau ar hyn o bryd ar gyfer prosiect ailddatblygu mawr i roi bywyd newydd i'n Hamgueddfa boblogaidd ac i ddiogelu ein hadeiladau hanesyddol ysblennydd a'n casgliadau o bwysigrwydd byd-eang fel y gall cenedlaethau'r dyfodol brofi a mwynhau stori anhygoel llechi.
Mae angen pobl fel chi i wirfoddoli eich amser, mynegi barn, ein helpu i greu digwyddiadau ac arddangosfeydd, a sicrhau ein bod ni'n berthnasol i bobl Cymru heddiw. Gwelwch isod i weld y gwahanol ffyrdd o gymryd rhan.
Eich Llais Chi
Mae Amgueddfa Lechi Cymru’n awyddus i ddathlu cyfoeth enwau chwareli llechi ledled Cymru drwy eu hysgythru i mewn i lwybr llechi a fydd yn arwain at borth yr Amgueddfa ar ei newydd wedd.
Wedi hir bori drwy ffynonellau amrywiol mae staff yr Amgueddfa wedi hel rhestr o 196 enw
sy’n cynnwys enwau o ardal Safle Treftadaeth y Byd yng Ngogledd Orllewin Cymru yn ogystal â Siroedd Dinbych, Penfro, Maesyfed a Chaerfyrddin. Fodd bynnag rydym eisiau sicrhau bod y llwybr yn gynrychioladol ac yn gyflawn ac felly rydym yn galw ar wybodusion lleol ar hyd a lled Cymru i gyfrannu drwy fewnbynnu enwau chwareli llai adnabyddus.
Ewch i'r Blog i ddysgu mwy.
Dilynwch y linc isod at ffurflen Google i gyfrannu ar y rhestr. Gofynnwn i chi rannu un enw ar y tro i'r ffurflen, ond mae croeso i chi gyfrannu nifer o enwau gwahanol. Mae'r ddelwedd isod yn dangos yr enwau rydyn ni eisoes wedi derbyn - cyflwynwch nhw eto i ddangos cefnogaeth i'r chwarel benodol honno!
Gwirfoddoli a Phrofiad Gwaith
Yda chi'n caru'r Amgueddfa ac eisiau cynrhychioli'r dreftadaeth arbennig yma? Yda chi eisiau gwneud cyfraniad pwysig i Amgueddfa Cymru a'n stori am Gymru?
Bydd gwirfoddolwyr ac unigolion ar bofiad gwaith yn cymryd rhan mewn pob math o brojectau dros gyfnod yr ailddatblygu. Gall eich cyfraniad chi gynnig persbectif newydd, ein helpu gyda gweithgareddau dysgu neu ein helpu i adrodd straeon newydd. Cewch yr wybodaeth ddiweddaraf am gyfleoedd yma:
Gwirfoddoli Profiad GwaithPobl Ifanc
Tra bod Amgueddfa Lechi Cymru ar gau, ein cam nesaf yw parhau â’n stori y tu hwnt i furiau’r amgueddfa. Rydym am gynnwys pobl ifanc yn y broses.
Cynhyrchwyr Amgueddfa Cymru yw grwp pobl ifanc rhwng 16 – 25 oed sy’n byw yng Nghymru a chydweithio gyda’r Amgueddfa drwy gyfleoedd cyfranogol a chyflogedig. Hwn yw lle i ddyfnhau gwybodaeth a sicrhau bod mannau treftadaeth a diwyllianol yn fwy cynrychioliadol o’r bobl ifanc a’u diwylliannai niferus sy’n byw yng Nghymru neu o Gymru. Rydyn ni yma i wneud treftadaeth yn berthnasol.
Cewch y wybodaeth diweddaraf am gyfleoedd Cynhyrchwyr Amgueddfa Cymru yr ailddatblygiad yma:
Cyfleoedd Cynhyrchwyr Amgueddfa Cymru