Digwyddiad:Taith gerdded: Olion y diwydiant llechi, Parc Padarn

Dewch i ddilyn taith y lechen gyda staff Amgueddfa Lechi Cymru o gwmpas Parc Padarn. Cewch gyfle i glywed am hanes y chwarelwyr ar y graig ac yn y gwaliau, ac i ddeall mwy am chwarel Vivian, inclên a’r ‘Blondin’.

Map o'r daith:

• Rydym yn cynnig teithiau yn Gymraeg ac yn Saesneg ar wahân. Sicrhewch eich bod yn archebu'r daith yn yr iaith sydd ei hangen arnoch.
• Oedran addasrwydd: 8+
• Bydd teithiau yn para 1 awr. 
• Byddwn yn cychwyn ym maes parcio'r Gilfach Ddu wrth yr arwydd llechen Gilfach Ddu, ac yn gorffen y daith ger Ysbyty Chwarel Dinorwig.
• Mae'r daith gerdded hon yn anaddas i bobl sydd ag anghenion mynediad oherwydd natur y dirwedd a llwybrau serth, cul. Bydd angen esgidiau cadarn er mwyn ymuno â’r daith. Os nad ydych yn gwisgo esgidiau addas, ni fydd modd i chi ymuno â ni.
• Os bydd rhagolygon am dywydd garw, bydd penderfyniad i ohirio neu ganslo’r daith yn cael ei rannu'r prynhawn cynt.
• Mae croeso i gŵn ond iddynt fod ar dennyn gydol y daith.

Gyda’r tocynnau rhataf yn £1, rydyn ni’n eich annog chi i dalu beth allwch chi. Gofynnwyd i grwpiau o 6 neu fwy gwneud ymholiadau ymlaen llaw drwy e-bost i chloe.ward@amgueddfacymru.ac.uk.