Digwyddiad: Triniaeth a Meddyginiaeth Rufeinig
Amgueddfa Lleng Rufeinig Cymru
Wedi'i Orffen
Hwyl i’r teulu a chyfle i sgwrsio a chodi hyder i ddefnyddio eich Cymraeg.
Addas i ddysgwyr o bob safon
- Ymwelwch ag un o feddygon Byddin Rhufain a dysgu am y planhigion a'r technegau a ddefnyddiwyd i drin milwyr Rhufeinig dros 2,000 o flynyddoedd yn ôl.
- Bydd cyfle i sgwrsio â'r meddyg Rhufeinig i ddisgrifio'ch symptomau a darganfod pa driniaeth mae’n ei hawgrymu. Bydd ymwelwyr yn dewis ar hap o restr o salwch a damweiniau.
- Bydd cardiau gwybodaeth i helpu dysgwyr gyda chwestiynau a geirfa. Ar ôl ymweld bydd cyfle i edrych o amgylch ‘fferyllfa’r ardd’ i ddysgu sut fyddai planhigion yn cael eu defnyddio fel meddyginiaeth. Rydyn ni hefyd yn lansio llwybrau hunan dywys newydd i ddysgwyr o bob safon o amygylch yr Amgueddfa.
Ariennir gan Gyngor Dinas Casnewydd dan nawdd Grant y Gymraeg yn y Gymuned.
Mae'r digwyddiad yma yn rhan o Raglen Haf o Hwyl.