Digwyddiadau

Arddangosfa: Hawlio Heddwch

Sain Ffagan Amgueddfa Werin Cymru
9 Mawrth–15 Medi 2024
Pris Am Ddim
Addasrwydd Pawb
Llun du a gwyn o bedair menyw yn dal deiseb ar risiau adeilad crand

Annie Hughes-Griffiths yn dal Apêl Heddwch Merched Cymru yn Washington DC, gyda Gladys Thomas, Mary Ellis ac Elined Prys, 21 Chwefror 1924. 

© Drwy ganiatâd Llyfrgell Genedlaethol Cymru

baner protest

Baner a ddyluniwyd gan Thalia ac Ian Campbell yn darlunio golygfeydd o Wersyll Heddwch Menywod Comin Greenham, 1980au cynnar. Wedi’i gwnïo gan Jan Higgs. 

Ar ôl y Rhyfel Byd Cyntaf, llofnododd bron i 400,000 o fenywod Cymru ddeiseb heddwch a'i chyflwyno i fenywod Unol Daleithiau America. Roedden nhw'n galw am ddyfodol heb ryfel.

Ganrif yn ddiweddarach, cafodd Deiseb Heddwch Menywod Cymru ei hailddarganfod a’i dychwelyd i Gymru. Mae’r ddeiseb a’r gist, ar fenthyg gan Lyfrgell Genedlaethol Cymru, ymhlith rhai o brif atyniadau’r arddangosfa hon.

Ochr yn ochr â’r ddeiseb mae cyfle i weld baneri protest eiconig ymgyrch heddwch Comin Greenham yn y 1980au, sy’n rhan o gasgliad parhaol Amgueddfa Cymru. 

Dewch i ddarganfod mwy am rai o’r menywod ysbrydoledig hyn a’u cyfraniad at heddwch rhyngwladol.

Mae’r arddangosfa yn rhan o Bartneriaeth Hawlio Heddwch.  

Digwyddiadau