Cwestiynau cyffredin mynediad dyddiol

Oes rhaid i mi archebu tocyn ymlaen llaw?

Gallwch ymweld ag Amgueddfa Lleng Rufeinig Cymru heb archebu ymlaen llaw, ond er mwyn sicrhau eich bod yn cael y gorau o'ch ymweliad, rydym yn argymell eich bod yn archebu tocyn am ddim ymlaen llaw.  

Oes yw mynediad am ddim, pam bod rhaid i mi archebu tocyn ymlaen llaw?

Does dim rhaid i chi archebu ymlaen llaw – rydyn ni'n dal i gynnig croeso cynnes i bawb gan gynnwys ymwelwyr sy'n penderfynu ymweld heb archebu tocyn ymlaen llaw. Trwy archebu tocyn ymlaen llaw, byddwch yn derbyn gwybodaeth a diweddariadau allweddol cyn eich ymweliad, gan eich helpu i wneud y gorau o'ch profiad.

Beth sydd angen i mi ei wneud wrth gyrraedd?

Bydd un o dîm cyfeillgar Amgueddfa Lleng Rufeinig Cymru yn croesawu ymwelwyr ac yn sganio'ch tocyn i chi neu yn eich cyfeirio at sganiwr i gofrestru eich ymweliad.

Ydy fy nhocyn yn cynnwys mynediad i'r Baddondai Rhufeinig?

Nid yw tocynnau ar gyfer Amgueddfa Lleng Rufeinig Cymru yn rhoi mynediad i Faddondai Rhufeinig Cadw. Os hoffech ymweld â'r Baddondai Rhufeinig ar yr un pryd ewch i wefan Cadw i gael gwybodaeth am docynnau.

Pa mor bell ymlaen llaw allaf i archebu tocyn?

Gallwch archebu tocyn ymlaen llaw hyd at dair wythnos cyn eich ymweliad, a byddwn yn anfon gwybodaeth a diweddariadau allweddol atoch cyn eich ymweliad er mwyn eich helpu i wneud y gorau o'ch profiad.

Beth yw'r amser diwethaf alla i gyrraedd?

Er nad oes amser mynediad olaf, rydym yn argymell o leiaf awr i wneud y gorau o'r hyn sydd gan yr Amgueddfa i'w gynnig. Mae Amgueddfa Lleng Rufeinig Cymru yn cau am 5pm Llun-Sul rhwng Mawrth a Hydref ac am 4pm rhwng Tachwedd a Chwefror. I weld ein horiau agor, cliciwch yma.

Dwi ddim yn gallu dod ar y diwrnod a archebais i / dwi eisiau newid i ddiwrnod arall – be ddylwn i ei wneud?

Rydyn ni'n deall y gall cynlluniau newid. Os nad ydych chi'n gallu dod neu os hoffech newid dyddiad eich ymweliad, cysylltwch â tocynnau@amgueddfacymru.ac.uk a bydd un o'r tîm yn hapus i'ch helpu chi.