Amser Bwyd

Hafan Amser Bwyd

Cacen Gri

Y Bala, Gwynedd

Mrs Catherine Jones, Y Bala, yn gwneud cacen gri. Trosglwyddo'r gacen o'r plat i'r radell.

Mrs Catherine Jones, Y Bala, yn gwneud cacen gri. Trosglwyddo'r gacen o'r plat i'r radell. 

Ar adegau pan oedd bara’n brin neu pan ddisgwylid ymwelwyr i de prynhawn y gwneid y gacen hon yn Meirionnydd.

Teisennau Radell

Y Rysáit

Byddwch angen

  • hanner pwys o flawd
  • pedair owns o ymenyn
  • dwy owns o siwgr
  • un wy
  • dwy owns o gyrens
  • chwarter llond llwy de o halen
  • hanner llond llwy de o soda pobi
  • llaeth enwyn neu lefrith

 

 

Dull

  1. Rhoi’r blawd mewn dysgl a rhwbio’r ymenyn iddo.
  2. Ychwanegu’r holl ddefnyddiau sych a’u cymysgu’n dda drwy’r blawd. 
  3. Curo’r wy mewn dysgl arall.
  4. Gwneud pant yng nghanol y defnyddiau sych, tywallt y llaeth enwyn a’r soda pobi iddo, a thywallt yr wy i mewn i’r llaeth enwyn. 
  5. Gweithio’r defnyddiau sych i mewn i’r gwlybwr, a’u cymysgu â llaw nes cael toes meddal.
  6. Taenu ychydig o flawd ar fwrdd pren, moldio’r toes arno a’i ledu â llaw nes llunio cacen gron o ryw hanner modfedd o drwch.
  7. Ei chrasu ar radell weddol boeth a’i lled-droi bob hyn a hyn i’w chrasu’n gyson. 
  8. Yna ei throi a’i chrasu ar yr ail ochr. 
  9. Hollti’r gacen a thaenu ymenyn arni cyn ei bwyta.

Y Bala, Meirionnydd.

 

Ffilm/Recordiad

Mae teisennau crwn fel hyn wedi bod yn un o hoff brydau amser te'r Cymry ers hanner olaf y bedwaredd ganrif ar bymtheg. Yn gyffredinol, gelwid y danteithion yn unol a'r enw arferid ar y maen neu'r radell o ardal i ardal; gan gynnwys, tishan lechwan, tishan ar y mân, pica bach neu gacenni cri. Welsh cakes yw'r term cyffredin yn y Saesneg. Dyma Rhian Gay yn arddangos sut i baratoi fersiwn cyfoes.

Mae teisennau crwn fel hyn wedi bod yn un o hoff brydau amser te'r Cymry ers hanner olaf y bedwaredd ganrif ar bymtheg. Yn gyffredinol, gelwid y danteithion yn unol a'r enw arferid ar y maen neu'r radell o ardal i ardal; gan gynnwys, tishan lechwan, tishan ar y mân, pica bach neu gacenni cri. Welsh cakes yw'r term cyffredin yn y Saesneg. Dyma Rhian Gay yn arddangos sut i baratoi fersiwn cyfoes.

Mrs Annie Jones, Blaenau, Llanwrda, Dyfed yn gwneud pice bach, 1975

Richard Griffith Thomas o Langynwyd, Morgannwg yn disgrifio'r maen a'r tripat. Ganed Mr Thomas ym 1894.

Nid yw sylwadau ar gael ar hyn o bryd. Ymddiheuriadau am yr anghyfleustra.