Casgliadau Arlein

Llestr crochenwaith Ewenni a addurnwyd gan Horace Elliot, artist o Lundain, ym 1895. Bu'n ymweld â'r crochendy bob blwyddyn rhwng 1883 a 1913. Mae hanes hir o greu crochenwaith yn Ewenni, Bro Morgannwg. Roedd yr holl ddeunydd crai wrth law – clai coch, deunyddiau gwydro i’w gorffen, cerrig i adeiladu’r odynnau a glo i danio’r crochenwaith. Dros y blynyddoedd, mae 15 crochendy wedi bod yn yr ardal. Dim ond dau sydd yno erbyn heddiw. Mae un teulu, y teulu Jenkins, wedi parhau â’r traddodiad am 8 cenhedlaeth a mwy.