Casgliadau Arlein

'Gwahanu' oedd llwyddiant mawr cyntaf Goscombe John, ac enillodd iddo Fedal Aur yr Academi Frenhinol ym 1889, a'i alluogi i deithio i Ewrop. Gosodwyd y testun gan bwyllgor yr Academi Frenhinol, a dehonglodd y cerflunydd ef drwy gyfrwng ffigwr hen ŵr yn dal ei fab ifanc sydd wedi marw. Roedd y diddordeb mewn effeithiau arwyneb, gyda gwahanol gwerfwedd i'r gwallt a'r croen, yn nodweddiadol o arddull y Gerflunwaith Newydd. Mae'r grŵp ffigyrau yn dangos dylanwad y cerflun enwog o 'Ugolino a'i Feibion 'gan Jean Baptiste Carpeaux, a welwyd gyntaf yn Salon Paris ym 1863