Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Amgueddfa Cymru
Mae'r darlun hwn yn dathlu'r heddwch a sefydlodd y Frenhines Elisabeth I. Mae Elisabeth ar y dde yn dal llaw Heddwch ac mae Digonedd yn ei dilyn. Mae ei thad Harri VIII, sylfaenydd Eglwys Loegr, yn eistedd ar ei orsedd gan drosglwyddo cleddyf cyfiawnder i"w fab Protestannaidd, Edward VI. Ar y chwith mae hanner chwaer ac olynydd Elisabeth, y Babyddes Mari I a"i gŵr Philip II o Sbaen, gyda Mawrth, Duw Rhyfel. Mae'r llun, rhodd gan y Frenhines Elizabeth i Syr Francis Walsingham, yn enghraifft dda o ddiddordeb yr unfed ganrif ar bymtheg mewn alegorïau, gweledigaeth y Frenhines ohoni ei hun fel penllanw'r olyniaeth Duduraidd a'i phryder am gyfreithlondeb ei theyrnasiad.
Daeth Lucas de Heere i Lundain o Ghent ddiwedd y 1560au. Roedd yn un o nifer o arlunwyr a chrefftwyr Protestannaidd o Fflandrys a benderfynodd ffoi rhag erledigaeth grefyddol. Derbyniwyd y peintiad hwn dan y cynllun 'in lieu in situ'. Prynwyd y llun gan J.C.Dent yn arwerthiant casgliad Horace Walpole yn Strawberry Hill, ym 1842.
Caiff Casgliadau Arlein ei ddiweddaru yn rheolaidd, ond gwnewch yn si’r bod eitem yn dal i gael ei arddangos cyn ymweld yn arbennig.
