Casgliadau Arlein
Amgueddfa Cymru
Chwilio Uwch
Photograph (print)
Ffotograff o Mr Hugh Richard Jones yn sefyll y tu allan i Dŷ’r Peiriannydd yn y Gilfach Ddu (cartref Amgueddfa Lechi Cymru erbyn hyn). Dechreuodd Mr Hugh Richard Jones (a oedd yn cael ei adnabod fel Hugh Rich) weithio yn Chwarel Dinorwig yn Ebrill 1926 (15 oed) fel prentis ffitar. Yn ddiweddarach fe’i dyrchafwyd yn Brif Beiriannydd Chwarel Dinorwig a daliodd y swydd honno hyd nes i’r chwarel gau yn Awst 1969. Chwaraeodd ran allweddol yn sefydlu Amgueddfa Lechi Cymru yng ngweithdai’r Gilfach Ddu, a daeth ei freuddwyd o ddiogelu’r gweithdai yn realiti pan agorwyd yr amgueddfa gyntaf ym mis Mai 1972. Penodwyd Hugh Richard Jones yn Guradur cyntaf Amgueddfa Lechi Cymru a bu’n gweithio yno hyd ei ymddeoliad ym mis Mawrth 1981. Bu Hugh Richard Jones yn byw yn Nhŷ’r Peiriannydd ar safle’r Gilfach Ddu rhwng 1928 a 1936 gyda’i dad (Joseph Jones) a’i deulu. Roedd Mr Joseph Jones (tad Hugh Richard Jones) yn gweithio fel fforman ar Reilffordd Padarn ac yn byw yn Nhŷ’r Peiriannydd rhwng 1928 a chanol y 1950au.
Mr Hugh Richard Jones (known as Hugh Rich) started working at Dinorwig Quarry in April 1926 (aged 15) as an apprentice fitter. He was later promoted to Chief Engineer of Dinorwig Quarry and held that position until the quarry closed in August 1969. He played a key role in establishing the National Slate Museum at the Gilfach Ddu workshops, and his dream of safeguarding the workshops became a reality when the museum was first opened in May 1972. Hugh Richard Jones was appointed as the first Curator of the National Slate Museum and worked there until his retirement in March 1981. Hugh Richard Jones lived in the Engineer's House on the Gilfach Ddu site between 1928 and 1936 with his father (Joseph Jones) and his family. Mr Joseph Jones (Hugh Richard Jones’ father) worked as a foreman on the Padarn Railway and lived in the Engineer’s House between 1928 and the mid 1950s.