Casgliadau Arlein

Dyma baentiad o Ystrad yng nghwm Rhondda. Cafodd Ernest Zobole ei eni yn y pentref a pharhaodd i gael ei ysbrydoli gan yr ardal am weddill ei oes. Mae’r tri ffigwr yng nghanol y paentiad wedi’u hadnabod fel yr arlunydd, ei wraig Christine a’u mab ifanc Manuel. Tra bod y rhan fwyaf o’i gyfoedion yn canolbwyntio ar realaeth hagr, roedd Zobole yn aml yn datgelu dirgelwch arall-fydol yn ei amgylchedd uniongyrchol.