Casgliadau Arlein

Mae'r paentiad hwn yn dangos Hagar yn anobeithio ynghylch ei mab Ishmael sy'n marw o syched wedi iddo gael ei alltudio i'r anialwch. Mae angel yn ymddangos, gan gyfeirio at ffynnon ddŵr, a chyhoeddi y bydd Ishmael yn dod yn dad i genedl fawr. Mae'r paentiad wedi'i seilio ar stori Hagar ac Ishmael yn yr Hen Destament (Genesis 21: 1-21) a chafodd ei greu ar gyfer y Cardinal Antonio Barberini, prif noddwr Sacchi ac un o gefnogwyr celf mwyaf yr Eidal ar y pryd.