Casgliadau Arlein

Llyfr ateb Amgueddfa Werin Cymru, 1958, yn cynnwys nodiadau manwl yn y Gymraeg gan y Parch. William Phillips ,Bangor, ar chwaraeon plant, dywediadau, gwylnos, carreg rwbio yn ardal Rhosllannerchrugog, sir Ddinbych, rhwng 1885-1900. Anfonwyd Llyfrau Ateb gan Amgueddfa Werin Cymru ym 1958 at unigolion ar draws Cymru er mwyn casglu a chofnodi gwybodaeth am agweddau o ddiwylliant gwerin yn eu hardaloedd yn cynnwys amaeth, crefftau, bwyd, arferion a thafodiaith. Mae’r ymatebion wedi eu hysgrifennu â llaw yn y llyfrau. Roedd y Llyfrau Ateb yn ddilyniant i’r holiaduron a anfonwyd ym 1937.