Casgliadau Arlein
Amgueddfa Cymru
Chwilio Uwch
Recordiad sain / Audio recording: Peter Cyril
“Roedd yn beth newydd i mi, gweithio yn yr eira ac ati. Daro, roedd hi’n oer wrth fynd i’r gwaith yn y bore.” Ganed a magwyd Peter Cyril yn St Lucia yn y Caribî a daeth i Brydain yn 21 mlwydd oed. Gweithiodd ar y rheilffyrdd am y rhan fwyaf o’i fywyd. “Roeddwn i’n un o ddau gefnder yn byw gyda fy nhaid a nain.” “Roedd tyfu lan yn iawn, roedd gen i fy nhaid a nain. Roedd fy nain yn dal yn fyw, yn 103...” “Rwy’n cofio’r fordaith, roedd hi’n iawn, roedd gen i fachgen [roeddwn i’n] edrych ar ei ôl, roedd e’n 14 a minnau’n 21. Yn 1961 roedd hynny.” “Fe es i wneud argraffu, ac yn y maes hwnnw yr arhosais i. O waith argraffu, fe es i swyddfa fawr yn Newcastle, Voice Printing, cyn imi ddod yma.” “Roeddwn i’n ifanc, yn ei chanol hi’n chwarae criced, pêl-droed... Pan ddois i yma, fe geisiais gael fy hun i mewn i glwb, yn yr YMCA, ond doedden nhw ddim am fy nerbyn i yno.” “Y prif reswm dros ddod drosodd yma oedd i gael gwaith... Fe ges i swydd ar y rheilffyrdd gan mai dyna’r unig le roedden nhw’n caniatáu imi weithio...” “Roeddwn i eisiau mynd i’r coleg un diwrnod yr wythnos. Fe ddwedodd e [y bos] na allai ganiatáu’r amser imi oddi wrth fy ngwaith. Ac roedd angen yr arian arnaf i, doedd gen i ddim help, felly fe wnes i jest mynd nôl i weithio.” “Pan ddois i drosodd yma roeddwn i’n Brydeiniwr, ond wnân nhw ddim cyfaddef hynny... maen nhw’n eich casáu’n ddwfn...” “Mae fel disgyn mewn potyn a methu dod allan ohono... rwyf wedi bod yma ers dros ddeugain mlynedd.” “Mae’n bwysig i bobl wybod ein hanes, gwybod amdanom ni, am yr hyn a ddigwyddodd i ni. Fe ddylen nhw ddysgu’r ieithoedd gan ein bod ni’n siarad llawer o dafodiaith, patois, a Saesneg. Mae’n bwysig iawn eu bod nhw’n gwybod.”
Cyfweliad hanes llafar gydag Peter Cyril a anwyd yn St. Lucia, yn y Caribi. Cofnodwyd fel rhan o Brosiect Treftadaeth Windrush Cymru Cyngor Hil Cymru. Oral history recording with Peter Cyril, born in St Lucia in the Caribbean.Recorded as part of Race Council Cymru’s Windrush Cymru Heritage Project.
Pwnc
Rhif yr Eitem
Historical Associations
Creu/Cynhyrchu
16/07/2019 / 16/07/2019