Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Amgueddfa Cymru
Byddai Cézanne yn peintio darluniau bywyd llonydd gydol ei yrfa, ond daw'r goreuon o'i flynyddoedd olaf. Mae'r cyfansoddiad hwn o 1902-06 yn un o nifer gyda ffrwythau, llysiau, llestri a darnau o ddefnydd wedi eu trefnu ar fwrdd sydd i'w weld o hyd yn ei stiwdio yn Aix. Mae'r gwrthrychau'n berthnasol i blygiadau carped y bwrdd fel patrymau yn y dirwedd. Mae persbectif wedi ei ail-lunio a manylion, megis bwlyn caead y tebot, wedi eu gwthio'n ôl i bwysleisio undod ffurf dros y pwnc. Fel y dywedodd David Sylvester ym 1962: 'Wrth i ni edrych ar y pedair ffurf gron yn cael eu cwmpasu gan blât yn 'Bywyd llonydd gyda Thebot', wyddwn ni ddim mewn gwirionedd ai afalau, orenau neu fricyll ydyn nhw na pha rai ydyn nhw, a dydyn ni ddim yn malio. Yr hyn wyddom ni wrth edrych arnyn nhw ac y gwyddom yn gorfforol yn ein cyrff yw'r teimlad o weld ffurf gron, ffurf sy'n hollol gryno, ffurf a all gyffwrdd â ffurfiau tebyg mewn un man yn unig, ffurf sydd â man canol penodol iawn.' Prynodd Gwendoline Davies y gwaith hwn ym Mharis ym 1920.
Caiff Casgliadau Arlein ei ddiweddaru yn rheolaidd, ond gwnewch yn si’r bod eitem yn dal i gael ei arddangos cyn ymweld yn arbennig.
