Casgliadau Arlein

Llyfr Ateb Amgueddfa Werin Cymru, 1960, oddi wrth Mrs G Owens, Llanrwst, yn cynnwys nodiadau manwl ar wahanol 'Chwaraeon plant' yn ei hardal enedigol, sef Y Fachwen, Llanddeiniolen, sir Gaernarfon, o tua 1902 ymlaen. Anfonwyd Llyfrau Ateb gan Amgueddfa Werin Cymru ym 1958 at unigolion ar draws Cymru er mwyn casglu a chofnodi gwybodaeth am agweddau o ddiwylliant gwerin yn eu hardaloedd yn cynnwys amaeth, crefftau, bwyd, arferion a thafodiaith. Mae’r ymatebion wedi eu hysgrifennu â llaw yn y llyfrau. Roedd y Llyfrau Ateb yn ddilyniant i’r holiaduron a anfonwyd ym 1937.