Casgliadau Arlein

Canwyllbren gwyrdd, Crochendy Claypits, Ewenni, 1910. Dyma waith grefftwr o bentref Ewenni ym Mro Morgannwg. Mae hanes hir o greu crochenwaith yn Ewenni. Roedd yr holl ddeunydd crai wrth law – clai coch, deunyddiau gwydro i’w gorffen, cerrig i adeiladu’r odynnau a glo i danio’r crochenwaith. Dros y blynyddoedd, mae 15 crochendy wedi bod yn yr ardal. Dim ond dau sydd yno erbyn heddiw.