Casgliadau Arlein

Mae’r grwp hwn o ddysglau yn rhan o set 160 darn a gomisiynwyd gan Syr Watkin Williams-Wynn ar gyfer ei dy newydd ar Sgwâr St James yn Llundain. Dyluniwyd nifer o’r siapau gan Robert a James Adam, a dyma’r set lestri fwyaf a phwysicaf i gael ei dylunio gan bensaer yn y ddeunawfed ganrif. Gwasgarwyd y llestri dros amser ond mae nifer o ddarnau bellach yng nghasgliad Amgueddfa Cymru. Roedd ynddi ddysglau gweini crwn a hirgrwn, pedair dysgl gawl, deuddeg dysgl saws a phedair canhwyllbren, yn ogystal â phlatiau a llestri halen. Costiodd y cyfan £2,408 a 18 swllt, oedd yn swm anferth ar y pryd.