Casgliadau Arlein
Amgueddfa Cymru
Chwilio Uwch
Recordiad clyweledol / Audio-visual recording: Novlet Gordon
“Mewn rhai diwydiannau, nid yw hiliaeth yn digwydd ar lafar, mae’n ddistaw... rydych chi’n darllen rhwng y llinellau...”
Ganed Novlet Gordon yn 1958, Plwyf Clarendon, Jamaica.
“Roedd fy nheulu’n tyfu câns siwgr a [ffrwythau] sitrws, dyna rwy’n ei gofio o fy mhlentyndod... Mae gen i frodyr a chwiorydd, ond ganed y rheiny yma yn Lloegr... fe ddois i yn 1967... ar y BOAC, British Overseas Airways. [Roeddwn i’n] naw oed.”
“Fe ddois i Gymru yn 2000... roeddwn i’n hapus pan ddois i lawr i fan hyn.”
“Fues i’n trin gwallt am bron i 20 mlynedd... [yna] fe wnes i roi’r gorau i drin gwallt... rwyf wastad wedi mwynhau pobi ac ati, rwy’n un da iawn am bobi a choginio... roedd gen i gaffi, felly roeddwn i’n hunangyflogedig am bum mlynedd.”
“Roedden nhw eisiau gweithwyr gofal iechyd... fe ges i lythyr yn cynnig cyfweliad imi... ac fe ges i’r swydd. Felly fe wnes i fy hyfforddiant fel nyrs iechyd meddwl... Fe wnes i weithio yn y GIG am bron i 25 mlynedd, nes imi gael nam ar fy ngolwg.”
“Rwy’n deall digon ar y byd, er nad yw’r ysgolion yma’n dysgu hanes pobl Dduon, wnaethon nhw erioed mo hynny. Mae angen cynnwys hanes pobl Dduon... fel rhan o’r cwricwlwm.”
“Mae pobl Dduon wedi bod yn Lloegr cyhyd â phobl wynion. Dysgu bod angen deall yw’r peth... eich crefydd, eich diwylliant, mae’n rhan o’ch tapestri.”
“Rwy’n gweithio fel gweithiwr cefnogol ac rwy’n gwneud ychydig o waith gwirfoddol nawr, rwy’n ceisio gwneud defnydd o fy amser.”
“Mae Cymru’n brydferth, dyma wlad i ddisgyn mewn cariad â hi... mae fy wyrion yn siarad Cymraeg rhugl.”
“Wyddoch chi, weithiau mae pobl yn eich gormesu i’ch atal rhag rhagori... dal ati i ddysgu a gwneud cymaint ag y gallaf ei wneud i helpu eraill yn ogystal â fi fy hun.”