Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Amgueddfa Cymru
Cynhyrchwyd y ceffyl crochenwaith hwn ar gyfer beddrod person cyfoethog, yn atgof o’u bywyd bob dydd. Roedd gan ffigyrau angladdol rôl allweddol mewn gorymdeithiau a chladdedigaethau yng nghyfnod llinach Tang (618-906). Cai ffigyrau eu gosod ar gert yn ystod yr orymdaith angladdol cyn eu trefnu o flaen y beddrod. Wedi claddu’r corff cant eu gosod mewn mannau penodol yn y siambr gladdu. Tyfodd yr arfer yn ornest gystadleuol, gyda’r ffigyrau yn adlewyrchu statws cymdeithasol yr ymadawedig, ac yn y pen draw pennwyd uchafswm o ffigyrau allai gael eu defnyddio. Mae’n bosibl taw ymgorfforiad yw hwn o un o’r ceffylau dawnsio a hyfforddwyd yn arbennig yn stablau llys yr ymerawdwr ym mhrifddinas llinach Tang, Chang’an (Xi’an heddiw).
Caiff Casgliadau Arlein ei ddiweddaru yn rheolaidd, ond gwnewch yn si’r bod eitem yn dal i gael ei arddangos cyn ymweld yn arbennig.
