Casgliadau Celf Arlein

Yn y tirlun hwn, mae clogwyni serth a choed cam yn codi’n ormesol dros y bugeiliaid islaw.  Mae tirluniau Salvator Rosa’n wyllt ac yn dywyll iawn.  Anwybyddai’n llwyr y galw am brydferthwch delfrydol, fel y gwelir yn nhirluniau Claude a Poussin.  Fe’i gwnaed yn arwr ym Mhrydain yn y ddeunawfed ganrif oherwydd natur nwyfus a dadleuol ei fywyd, a chafodd ei waith gryn ddylanwad ar artistiaid eraill, yn enwedig y Cymro enwog, Richard Wilson.